Tequila....

Æji ég hef það svo gott:)

eitt sem ég verð að nefna- Það er ótrúlegt að sjá hvernig Mexicanar keyra, það eru sjaldan skilgreindar akgreinar og það er sveigt fram og til baka. Enginn í beltum, og allir pallbílarnir eru með pallinn fullan af fólki, ungabörnum jafnvel. Og á móturhjólum eru heilu fjölskyldurnar og kornabörnin hanga bara undir handleggnum á fólki. Sá líka ca 10 ára strák með kornabarn undir hendinni á reiðhjóli.
Í gær vorum ég og Theresa í mollinu sem er hérna við hliðina á, La Gran Plaza nánast allan daginn. Það eru útsölur og allir kjólar og bolir voru á 900-1200kr. Gerðum góð kaup, ég keypti:

* Gallastuttbuxur sem ég elska, geggjaðar úr Mango
* 7 boli/síða kjólaboli
* 1 kjól* 2 eyrnalokkar og 5 hárbönd
* 2 bandeau toppa
* risastóran peach trefil

allt þetta kostaði 15þúsund! Núna er ég vel dressuð fyrir skólann, gaman að gera góð kaup:) Búðirnar eru snarvangefnar, þær eru svo flottar!

Í gærkvöldi fórum við öll sem búum hérna og líka allir íbúarnir í 2 öðrum húsum saman út að borða. 1 strákurinn sem býr hérna með mér á þessi 3 hús, og það eru reglulega haldin svona kvöld, sem er mjög sniðugt. Við fengum okkur 1 bjór og borðuðum nautakjöts torta, sem er dáldið traditional fyrir þessa borg. Kjöftuðum mikið og öllum fannst voða sniðugt að læra að segja Eyjafjallajökull:) Það var mikið að gerast í borginni í gær, en við ákváðum að fara bara heim kl.1 því við þurftum að vakna snemma í dag til að fara í smá ferðalag. Fyrir utan að við djömmuðum þriðjudag og miðvikudag og í kvöld er Welcome party á einum flottasta klúbbnum, Cherry Lobby og allt brjálað:) hehh....

Í morgun vöknuðum við Sarah, fengum okkur morgunmat og tókum bussinn í skólann. Þetta er svo skemmtilegt, það tekur alveg 30 min að fara í skólann, en bussinn er FULLUR af fólki, og annar hver maður er úr skiptinemahópnum svo það er fínt. Þessar 30 min líða líka mjög hratt, það er svo margt og mikið að gerast úti á götunum, troðfullir ávaxtabílar að fara með ferska ávexti í búðirnar, blómabílar með framandi blómum, fólk, börn, sölumenn og allt bara iðar!! Strætóarnir koma á sirka 5 mín fresti, þetta er ekkert flókið, ef maður þarf að komast eitthvað, þá fer maður út á aðalgötuna sem liggur semi hringinn í kringum alla borgina, stendur einhversstaðar öðru hvoru megin við götuna, eftir því í hvaða átt maður er að fara, og á 3-5 mínútum birtast strætóar sem maður bara veifar og þeira stoppa eða stoppa ekki, allt eftir því hvort þeir séu á eftir áætlun eða ekki. Því bílstjórarnir fá víst sekt fyrir að vera of seinir, og því hika þeir ekki við að keyra framhjá jafnvel stórum hóp af veifandi fólki hehe:) En það kemur alltaf annar strax á eftir, stanslaust allan daginn, því það er svo mikið af fólki sem þarf að ferja, og samt alltaf allt troðfullt! Maður svitnar bara í hitanum og loftleysinu við að reyna að halda sér, því bílstjórarnir keyra eins og fávitar, gefa í og svo NEGLA ÞEIR NIÐUR til að hleypa fólki inn sem veifar á götunni. Mestu mistök mín voru að taka með mér kaffibolla í strætóinn í morgun, ég var bara með lítinn expresso í risastóru rauðu plastglasi, en engu að síður átti ég í stökustu vandræðum með að passa að skvetta ekki á fólkið í kringum mig:P

Þegar við komum í skólann þá biðu okkar rútur. Það er sér rútustöð inni á skólalóðinni, með sér rútum frá skólanum og bílstjórum. Voða fancy allt. Við fórum í bæinn Tequila sem er í kannski 1.5 klst akstri frá Guadalajara. Við skoðuðum Tequila verksmiðju og fengum að smakka mismunandi og lærðum um ferlið sem er ótrúlegt. Sáum mann vera að taka Agave plöntuna og vinna hana með gamaldags hníf, en tequilað er unnið úr þessari plöntu. Hún er alveg eins og risastór ananas, nema blöðin eru blá og hörð. Síðan fórum við öll saman í pikknikk undir ávaxtatrjám, með risavöxnum Papaya, mangóum, lime og appelsínum. Á heimleiðinni var komið við í litlum sveitabæ og þar keypti ég nokkra minjagripi, aðallega handa mömmu;) No worries, þetta er ekki eitthvað drasl, þú munt elska þessar gjafir;)

Þegar við komum aftur í skólann, tókum við Sarah og 2 þýskir strákar saman bussinn heim. Þýsku strákarnir búa í húsi ekkert það langt frá og eru með sundlaug sem þeir buðu okkur að nota hvenær sem er- það verður gott að chilla úti í garði við sundlaugarbakkann hjá þeim:) svo komum við Sarah aðeins við í mollinu því hún vildi kaupa alveg eins kjól og ég hafði keypt mér í gær og svo löbbuðum við heim:)
Það var gott að komast í sturtu eftir langan dag- enn meira hressandi að vera lokuð inni á baðinu með eldhressan kakkalakka sem skaust um. Ótrúlegt en satt þá tókst mér að taka þetta risakvikindi og henda því í klósettið!! Fengum okkur svo léttan mat hérna heima, jógúrt, granóla og ferkst mangó og erum að fara að gera okkur til fyrir kvöldið- risastórt Welcome party á einhverjum geggjuðum klúbb sem heitir Cherry Lobby. Allir skiptinemarnir og mexicanarnir verða þarna og fuuuullt af liði. Stærðin á þessum klúbbum er eitthvað sem maður getur ekki ímyndað sér. Ætla að reyna að vera dugleg að taka myndir í kvöld:)

Vona að allir hafi það rosalega gott heima á klakanum:)

ástarkveðjur frá Sunny México <3