Night in Mexico :)

Þetta var góður dagur, ég svaf út og slakaði á, enda hefur ekki verið mikið um svefn seinustu nætur. Búin að vera í heila viku í Guadalajara, borginni sem ég elska <3

Smá summary: á þriðjudag seinasta, þá flutti ég hingað í Calle Tequila, sama kvöld var risaparty í The Conexión house, sem er riiiisastórt hús, sem 12 manns búa saman í, og það eru alltaf fyrirparty og eitthvað að ske þarna á hverju kvöldi. Þau eru líka með sundlaug, og á föstudaginn enduðum við á að fara öll í sundlaugina kl.6 um nóttina eftir djammið:) mjög gaman, en ekki myndi ég vilja búa í þessu húsi:)

á miðvikudaginn var dreift vip armböndum á klúbb sem heitir Chalet, og þetta var fáránlegt djamm! Vopnaleit og allskonar kom mér dáldið á óvart. Svo sá ég 3 veldressaða menn, gelaða með gullskartgripina á hreinu koma inn, og ég sá þá rétta dyraverðinum peninga.... greinilega með byssur á sér og sluppu við vopnaleitina! Sem betur fer sá ég þetta þegar við vorum að yfirgefa staðinn, en það er ansi óhugnaleg tilhugsun að vita af einhverjum byssubófum inni á sama skemmtistað og maður er á.

Á fimmtudaginn fórum við öll saman út að borða, öll í húsinu mínu og 2 öðrum húsum sem sami maður á. Fengum góðan mat, nokkra bjóra bara og kynntumst:)

Á föstudag var dreift armböndum á Welcome party á Cherry Lobby. Það var ótrúlega gaman, þessir skemmtistaðir eru af stærðargráðu sem maður bara getur ekki ímyndað sér, og það var vopnaleitarhlið og svona, svo mér leið smá betur að vita af því að ALLIR þurfa að labba gegnum það. Enduðum í eftirparty í The Conexión house, þar sem við enduðum nokkur saman í sundlauginni, sem var btw ísköld!:)

í gær, laugardag fórum við Theresa á San Juan de Dios markaðinn alræmda! Þvííílíkt stór markaður, mikið af eftirlíkingum og ólöglegum vörum undir borðunum hef ég heyrt. Við vorum ekki lengi, vorum svo lengi að finna markaðinn og vorum bara að rölta um miðbæ Guadalajara, svo kom Sarah og hitti okkur fyrir framan dómkirkjuna. Þessi borg er svo fallegt, húsin og byggingarnar eru fallegar, kirkjurnar og stytturnar. Fórum á fínan veitingastað, El Mexicano, þar sem var live Mariachi tónlist, leirdiskum, veggirnir málaðir í allskonar litum og skúlptúrar og litríkar myndir og skraut á öllum veggjum. Ég keypti mér þennan líka fína kjól á 1300krónur. Ég veit ekki hvernig það atvikaðist, en þegar við vorum að labba um miðbæinn var hrópað á mig og áðu en ég vissi af var ég komin í miðjuna á stórum hóp áhorfenda, með einhverjum trúðum, blöðrum og þrautum! Trúðurinn var með eitthvað uppistand og ég endaði á að vera þarna í allavega hálftíma, stelpurnar tóku nokkrar myndir, sem ég set inn hérna seinna:) Svo fórum ég og Theresa í party hjá nokkrum Mexicönum. Vinkona Theresu, sem er mexicönsk og var skiptinemi í Þýskalandi, hún kom Theresu í samband við vini sína í borginni og þeir buðu okkur í party. Komu og sóttu okkur á fínum bíl og við fórum í e-a geggjaða íbúð. Þar voru nokkrar stelpur, sem ég fór að spjalla við og enduðum við á því að skemmta okkur ólýsanlega vel alla nóttina. Fórum svo saman á klúbb sem heitir Bosse og er mjög Posh staður, eiginlega sá fínasti skilst mér. Þetta var svo ótrúlega gaman. Mexicönsku strákarnir eru svo óóótrúlega kurteisir, þeir spurja hvort þeir megi dansa við mann, opna fyrir mann bílhurðir og láta mann labba á undan sér upp stiga og inn um hurðir, og rétta manni hendina, halda á pokum og dóti fyrir mann og eru fljótir að hjálpa manni ef einhverjir dólgar byrja með vesen. Þetta er eitthvað sem mér finnst ótrúlega áhugavert, hvað þeir eru allir kurteisir við konur. En allavega, við dönsuðum og dönsuðum, aaaaaaallt kvöldið, stoppuðum varla, stelpurnar voru svo skemmtilegar og strákarnir líka þannig þetta endaði sem besta kvöldið so far=)

Í dag ákvað ég að soooooooofa, enda hef ég ekki sofið meira en 4-5 tíma alla vikuna. Of mikið djamm og svo er maður alltaf vaknaður snemma við sólina sem skín inn um gluggann:) Það var brjáluð sól í dag, en ég var bara róleg. Svo um 6 leitið hringdi vinur minn, Trillo og sagði mér að vera tilbúin eftir klukkutíma því hann væri með smá surprice! Hann kom og sóttir mig svo, og við fórum að skoða allskonar styttur, og monuments í borginni. Fórum á risastórt hringtorg þar sem listamenn selja verkin sín allan hringinn, og allir hundaeigendur borgarinnar mæta með hundana. Mikið voru falleg verk þarna, og ódýr! ! Síðan gengum við aðal göngugötuna, sem er í raun bara mjög mjög breið umferðareyja, með fallegum upplýstum gosbrunnum og styttum, og á endanum er riiiisastór stytta, (la nino de patriot), man ekki alveg hvað hún hét en ég mun komast að því. Þetta var geggjað kvöld, keyrðum um ýmis hverfi, gengum um stórborgina og settumst niður og fengum okkur risastórt agua de guyaba, sem er mjólkurvatn með ávaxtabragði og fæst allsstaðar, búið til mismunandi á hverjum stað og Taco con churizo og taco con Ahoblabla, sem var virkilega gott. og hann kenndi mér á alla mexöcönsku réttina. Trillo er frábær strákur, og á þriðjudaginn ætlar hann að bjóða mér með sér og vinum sínum til Tlaquepaque, sem er bær í 40 min akstri héðan. Tlaquepaque er upphafsstaður Mariachi tónlistarinnar, og virkilega fallegur bær segja allir, svo ég hlakka mikið til á þriðjudaginn:)

Næstu helgi langaði okkur Theresu að kaupa rútumiða og fara til Puerto Vallarta, sem er í 3ja tíma fjarlægð og fá smá base-tan fyrir helgina þar á eftir, en þá er riiiiisastór Beach Camping Trip með Conexión nemendafélaginu. Það eru yfir 100manns að fara og þetta verður geggjað. En já, okkur datt í hug að byrja núna næstu helgi á að fara til Puerto Vallarta, ódýrt í rútu og ódýr hostel... en þegar ég var að segja Trillo frá þessu áðan þá sagði hann að Conexion nemendafélagið eigi hús þarna og þau hafi verið að tala um að fara til Puerto Vallarta næstu helgi og einhverjar franskar stelpur , og fyrst við Theresa værum að fara þá myndum við bara slá þessu á fast, fyllum nokkra bíla öll saman og brunum á ströndina:) Og gistum frítt í strandhúsinu:)

Get ekki beðið:)

Jæja, klukkan er orðin 2, og ég þarf að mæta í Erobikk kl.10 í fyrramálið í skólanum. Fríir tímar í líkamsræktarstöðinni í skólanum. Svo er ég í stórri eyðu frá 1-17.30 og ætla að nýta það í að fara í sundlaugina og synda nokkrar ferðir, borða góðan lunch á einhverri veitingasölunni á skólalóðinni, sitja undir ávaxtatré í skugga frá sólinni og læra smá spænsku, og svo fer ég í tíma frá 17.30-21.30 um kvöldið. Tek ekki bussinn þegar ég er búin svona seint, heldur taxa. En þar sem það er Movie Night í Conexion house, þá ætla ég að fara beint í taxanum þangað og hitta alla krakkana, það verður nice=)

já það er greinilega nóg að gerast hérna í México. Ég er svo hamingjusöm að það nær engri átt. Svo þegar ég kom heim í kvöld frá bæjarferðinni með Trillo þá var frönsk stelpa frammi í stofu að ræða við eigandann, og hún var að flytja inn í húsið! Svo kom hún og bankaði á herbergið mitt og var að kynna sig og svona, hún heitir Aurelia (hvernig sem það er nú skrifað á frönsku) og er virkilega yndisleg sýnist mér. Talar litla ensku, en reiprennandi spænsku og frönsku náttúrulega, og stakk upp á því að við myndum hafa smá welcome-kvöld á morgun, fá okkur vínglas og kynnast. Ég bauð henni bara að koma í Movie nightið hjá Conexion fólkinu og við gætum rölt saman frekar á þriðjudag eða við tækifæri og fengið okkur taco og hvítvínsglas og kynnst aðeins:)
Málið er að það er núna verið að vinna í herberginu mínu. Þannig ég er í herbergi á jarðhæðinni núna. En ég flyt í nýja herbergið vonandi í þessari viku bara, það er uppi á 3.hæð, og ég þarf að labba upp brunastiga til að komast inn í það, en það er forstofa og hann ætlar kannski að setja sófa þar og ísskáp og svona, svo ég þurfi ekki alltaf að labba niður 3 hæðir til að fara inn í eldhús. Úr herberginu mínu á 3.hæðinni er hurð sem liggur upp á þakið! Mikið hlakka ég til að fá það herbergi- fara í Wal Mart og kaupa mér góðan sólstól, plastborð, dúk og dýnu... svo ég geti bara setið í sólinni uppi á þaki að læra á daginn, hlustað á tónlist og fengið smá tan:)

Kveðjur frá sunny México...<3
xoxo